விஜய்யுடன் இணையும் விஜய்

இன்றைய தேதிக்கு தமிழ் சினிமாவில் இரண்டு விஜய்கள் கோலோச்சிக் கொண்டிருக்கிறார்கள். முன்னவர் நடிகர். முன்வரிசை நாயகர்களுள் ஒருவர் பின்னவர் திறமையான இயக்குநர்

இந்த இருவரும் அடுத்து ஒரு படத்துக்காக இணையப் போகிறார்கள்.

பிரபல பைனான்ஸியரான சந்திரபிரகாஷ் ஜெயின் தயாரிக்கும் இந்தப் படத்துக்கு இசையமைப்பவர் ஜிவி பிரகாஷ் குமார் . நடிகர் விஜய் படத்துக்கு இவர் முதல்முறையாக இசையமைக்கிறாராம். அந்த உற்சாகத்தில் படம் குறித்த தகவல்களை ட்விட்டரில் கொட்டியுள்ளார்!

ஏ ஆர் முருகதாஸ் படத்தை முடித்துவிட்டு இந்தப் புதிய படத்துக்கு நடிகர் விஜய் தேதிகள் கொடுப்பார் என்கிறார்கள்.

ஆனால் இடையில் கவுதம் மேனனின் 'யோஹன்' படத்துக்கும் கால்ஷீட் கொடுத்திருக்கிறார் விஜய்.

இது குறித்து ஜி.வி.பிரகாஷ் தனது டிவிட்டர் இணையத்தில் " இப்போது தான் இயக்குனர் விஜய் - நடிகர் விஜய் இணையும் படத்திற்கு அட்வான்ஸ் வாங்கினேன். இளைய தளபதி படத்தில் பணியாற்ற இருப்பது சந்தோஷமாக இருக்கிறது. இப்படத்தினை தயாரிக்க இருக்கிறார் சந்திர பிரகாஷ் ஜெயின் " என்று தெரிவித்துள்ளார்.