விஜய்யின் புதிய கட்டளை

சீனாவுக்கு போய் ஷாங்காய் பட விழாவில் கலந்து கொண்டாரல்லவா? அன்றிலிருந்தே விஜய்யின் மனதில் ஒரு ஆசை உருவாகியிருக்கிறதாம். இனிமேல் தனது படங்கள் எல்லாவற்றையும் சீனாவிலும் ரிலீஸ் செய்தால் என்ன என்பதுதான் அந்த ஆசை.

அதற்கு காரணம், இவர் நடித்திருந்த காவலன் படம் அங்கு திரையிடப்பட்டதும் அதற்கு அவர்கள் தந்த ரீயாக்ஷனும்தான். ஜப்பானில் ரஜினி படம் ஓட ஆரம்பித்ததிலிருந்து அவருடைய எல்லா படங்களையும் அங்கு அனுப்பி ரிலீஸ் செய்து கொண்டிருந்தார்கள். அதைப்போலவே தனது படங்களும் சீனா செல்ல வேண்டும் என்று கட்டளையிட காத்திருக்கிறாராம் விஜய்.

இதற்கிடையில் முக்கியமான செய்தி ஒன்று. தனது பிறந்த நாளான ஜுன் 22 ந் தேதி சுமார் 100 ரசிகர்களை சென்னைக்கு வரவழைத்து அவர்களை கண் தானம் செய்ய வைக்கும் திட்டம் இருக்கிறது அவருக்கு. தமிழகமும் முழுவதுமுள்ள ரசிகர்கள் ரத்த தானம் உள்ளிட்ட சமூக சேவைகளையும் செய்ய வலியுறுத்தியிருக்கிறார் அவர்.