துப்பாக்கியைத் தொடர்ந்து விஜய் நடித்துள்ள படம் தலைவா. மதராசப்பட்டினம் விஜய் இயக்கியுள்ள இதன் படப்பிடிப்பு முற்றிலுமாக முடிந்து விட்டதால், அடுத்து நேசன் இயக்கும் ஜில்லா படத்தில் நடித்து வருகிறார் விஜய். அதோடு, தலைவா படத்தின் இறுதிகட்டப்பணிகள் வேகமாக நடந்து வந்த நிலையில், விஜய்யின் பிறந்த நாளான ஜூன் 22-ந்தேதி படத்தை வெளியிட ஏற்கனவே திட்டமிட்டிருந்தனர். ஆனால், டப்பிங், இசைக்கோர்ப்பு பணிகள் இன்னும் முடிவடையவில்லையாம்.
அதனால், இம்மாத தொடக்கத்திலேயே ஆடியோவை ரிலீஸ் செய்து விட்டு, 22-ந்தேதி படத்தை வெளியிட திட்டமிட்டிருந்தவர்கள் இப்போது படத்தின் ஆடியோ வெளியீட்டு தேதியை ஜூன் 22-ந்தேதிக்கு மாற்றி விட்டனர். அதோடு, படத்தின் ரிலீஸ் தேதியை ஆகஸ்ட் 9-ந்தேதிக்கு மாற்றியுள்ளனர். இதனால் இம்மாதம் தலைவா தியேட்டருக்கு வந்து விடும் என்று எதிர்பார்த்துக்கொண்டிருந்த விஜய் ரசிகர்கள் பலத்த ஏமாற்றம் அடைந்துள்ளனர்.
No comments:
Post a Comment