கண்ணபிரான் பத்து பருத்திவீரனுக்கு சமம் -இயக்குனர் அமீர்

ஏற்கனவே விஜய்யை சந்தித்து படம் குறித்துப் பேசியிருக்கிறார் இயக்குனர் அமீர். முக்கியத்துவம் இல்லாமல் இருந்த இந்த சந்திப்பு கடந்த சில நாட்களாக கோடம்பாக்கத்தில் அதிமுக்கியத்துவத்துடன் குறிப்பிடப்படுகிறது.

பருத்திவீரன் எல்லாம் சாதாரணம்... என்னுடைய கண்ணபிரான் பத்து பருத்திவீரனுக்கு சமம் என்று அமீர் பல வருடங்களுக்கு முன்பே தனது கனவுப் படம் கண்ணபிரான் குறித்து பேசியிருக்கிறார். யோகிக்குப் பிறகு அவர் கண்ணபிரானை இயக்குவதாகதான் இருந்தது. யோகி கமர்ஷியலாக காலை வா‌ரியதால் ஆதிபகவானை அமீர் தொடங்கினார். 

ஆதிபகவான் முடிவடையும் நிலையில் உள்ளது. அடுத்து கண்ணபிரானைதான் அமீர் இயக்குவார், நடிப்பது விஜய் என்று ஆருடம் சொல்கிறார்கள் கோடம்பாக்கத்தில். வடிவேலுவின் பிரச்சாரத்தை வெளிப்படையாக கண்டித்ததன் மூலம் அரசியல் ‌ரீதியாகவும் அமீர் விஜயக்கு அணுக்கமாக வந்திருப்பதால் இந்த உறுதி செய்யப்படாத செய்திக்கு முக்கியத்துவம் ஏற்பட்டிருக்கிறது.