ஜெயம் ராஜாவின் இயக்கத்தில் விஜய் நடித்துள்ள ‘வேலாயுதம்’ படத்தின் பாடல் வெளியீடு, நாளை மதுரையில் நடைபெற இருக்கிறது. இவ்விழாவில் திரை உலகப் பிரபலங்கள் பங்கு கொள்ளவில்லை. மாறாக விஜயில் ஒரு லட்சம் ரசிகர்கள் பங்குகொள்ளப் போகிறார்களாம். அவர்களின் முன்னிலையில் இப்படத்தின் பாடல் வெளியீடு நடைபெறுமாம்.
நடிகர் விஜயின் மக்கள் இயக்கத்தின் மாநாடு மதுரை புதூர் மைதானத்தில் நாளை (28-ந்தேதி) மாலை 4 மணிக்கு நடக்கிறது. இதில் விஜய் பங்கேற்று ஏழைகளுக்கு நல உதவிகள் வழங்குகிறார். இதே மாநாட்டில்தான் விஜய் நடித்த வேலாயுதம் படத்தின் பாடல் சி.டி.யும் வெளியிடப்படுகிறது.
இதுகுறித்து விஜய்யின் தந்தையான எஸ்.ஏ. சந்திரசேகரன் கூறியதாவது:
“விஜய் மாதந்தோறும் ஒவ்வொரு மாவட்டத்திலும் மக்கள் இயக்கம் சார்பில் ஏழைகளுக்கு உதவிகள் வழங்கி வருகிறார். நாளை மதுரையில் நடக்கும் மாநாட்டில் பங்கேற்கிறார். இதில் ஒரு லட்சம் ரசிகர்கள் திரள்கிறார்கள்.
ரசிகர்கள் மாநாட்டில் வேலாயுதம் பாடல் சி.டி.யை வெளியிட அப்படத்தின் இயக்குனர் ராஜா விருப்பப்பட்டார். அதன்படி ரசிகர் மற்றும் ரசிகை மூலம் பாடல் சி.டி. வெளியிடப்படும். மாநாட்டிலேயே அந்த ரசிகர்-ரசிகைகளை தேர்வு செய்வோம்.” என்றார்.
No comments:
Post a Comment